NgoLwesibili, 21 Ephreli 2026, uMasipala wase-Alfred Duma ubambe ingxoxo yokubuza imibono ngesabelomali sohlelo lwe-IDP lonyaka wezimali ka-2026/27 kwizegceme zase-Limehill, esihlanganisa amaWadi 31, 32, 33, 34, 35, 36, kanye nengxenye yeWadi 30 e-Uitvaal Sports Ground.
Phakathi kwezihambeli kubekhona uCllr. B.P. Sithole, uCllr. S. Simelane, uCllr S Sithole, uCllr. S. Mswane, uCllr. N Mbhense, uCllr X. Kubheka, uCllr. Zungu, uCllr N. Mbhense, uCllr. T. Njoko, uCllr. Z. Madondo, uCllr. K. Shabalala, uCllr. S. Ngubane, uCllr. B. Xaba, uCllr. N. Zikalala, uCllr. S. Kubheka, uCllr. M. Nzuza, uCllr. S. Nxumalo, uCllr. S Ngubane, uCllr. Nzuza, Cllr M Magasela abamele i-IEC, amalungu omphakathi, kanye nabasebenzi bakamasipala.
Inhloso yalezi zingxoxo bekungukunikeza inkundla ebalulekile ukuze amalungu omphakathi kanye nomasipala baxoxe ngesabelomali se-IDP kanye nezindaba namaphrojekthi okulethwa kwezinsiza zomphakathi.
UCllr. N. Mbhense waseWadi 35 wamukele bonke abakhona. UCllr. M. Sithole wethule umhlonishwa uSodolobha wimkhandlu, uCllr. Z.J. Sibisi. USodobha udlulise amazwi okubonga kubo wonke amalungu omphakathi ahloniphe isimemo somhlangano.
Umhlonishwa uSodobha uchaze amaphrojekthi kamasipala kusukela onyakeni wezimali ka-2022/2023 kuze kube manje. Lawa maphrojekthi ahlanganisa ukufakwa kukagesi ezindlini, ukufakwa kukagesi emgwaqeni, ukwakhiwa kwamabhuloho abahamba ngezinyawo, ukwakhiwa nokulungiswa kwamahholo omphakathi, ukwakhiwa kwemigwaqo, ukuthuthwa kwabomama bencema, usizo lwezimali zokubhalisa ezikhungweni zemfundo ephakeme kwabafundi abaphumelele uMatikuletsheni, kanye nezinhlelo zokuqeqesha intsha ngamakhono.
Umhlonishwa uSolobha ukhuthaze intsha ukuthi isebenzise ihhovisi lentsha elise-Indaka naseLadysmith Town. Umhlonishwa uSodobha wethule amaphrojekthi azayo kwizigceme zase-Limehill onyakeni wezimali ka-2026/2027, ahlanganisa: ukwakhiwa komgwaqo wetiyela eWadi 32 naseWadi 36, ukwakhiwa komgwaqo wetiyela esigabeni sesibili seWadi 35, ukwakhiwa komgwaqo wamatshe eWadi 30, kanye nokufakwa kukagesi wasemhwaqeni eWadi 28 naseWadi 31.
Omele i-IEC uchaze imihlahlandlela ehlanganisa inqubo yokubhalisa nokuvota. Uphinde wamemezela ukuthi amasonto okubhalisa ahlelelwe u-20–21 Juni 2026 kanye no-1–2 Agasti 2026.
Uphinde wabalula ukuthi ukhetho lohulumeni basekhaya luyobe lusetshenziselwa amaphepha okuvota amathu: Ophuzi omela uMasipala waseKhaya, oMhlophe/Ompunga omela iWadi noma oMmeli ozimele, kanye noLuhlaza omela uMasipala Wesifunda. Ukhuthaze abavoti ukuthi balandele imihlahlandlela yokhetho futhi bathandazele ukhetho olukhululekile nollunokuthula.
USomlomo, uCllr. B.P. Sithole, uvale umhlangano lapho ebonge bonke abaphumelelile kanye nemibono yabo eyakhayo kanye nokuxoxisana okunenqubekela phambili emhlanganweni.
Sikhishwe
Alfred Duma Local Municipality Communications and IGR Section